الحلقة السابعة

الحلقه الرابعه

--------------------------------------------------------------------------------




وبالفعل وافقت رانيا على باسم وبدا معا الاجراءات الرسميه لمثل هذه المواقف

وطبعا زى ماانتم عارفين بدات المشاكل ومحاولات السيطرة من كلا الجانبين

وبعد مرور عدة اشهر ..........

تردد كريم فى مفاتحه باسم فيما لاحظه عليهما
ولكنه لاحظ اندفاع باسم وراء مشاعره
فهو بالفعل لمح لها عن نيته فى الارتباط بها
وكان كريم يود انيتمهل فى الامر وان يمنح نفسه فرصه للتفكيرالحيادى فى الامر حتى يتعرف عليها اكثر وعلى ردود افعالها

ولاحظ محاولته المستمرة لفرض شخصيته عليها واملاء اوامره

و لقد لمس بنفسه تشبث رانيا بارائها واصرارها عليها

ومع ذلك كان لا يصر على موقفه ويستسلم فى النهايه

او يتحول الامر بينهما لمشادة تسفر عن عدم احراز اى اهداف

ويرجى اى قرار الى ما بعد الزواج

وعزم ان يناقش الامر مع باسم
وسمع كريم رنين هاتف باسم الذى كان موضوع بالشاحن بعيدا عن متنناول يده واخبره بذلك

باسم :شوف مين اللى بيرن لانى مش فاضى ولو سبت التصميم اللى باعمله مش هاكمله تانى

كريم :وعلى ايه ده احنا ما صدقنا انك مسكت ورق التصميمات من نفسك

باسم :احسن برضه اهو فصل من نفسه بس شوف لى من مين المكالمه ده

فحص كريم المكالمه لمعرفه المتصل فوجد ان الاسم المدون به اسم غريب

باسم : كل ده بتشوف مين اللى اتصل انا مش باطلب منك تعمل للموبايل سوفت وير

كريم : اللى اتصل خمس مكالمات تحت اسم قلق . مين قلق ده؟

باسم : مين غيرها

كريم :تقصد رانيا ده كانت من كام يوم بس اسمها الحب الحقيقى

باسم : كان

كريم : وايه اللى غصبك

باسم : رانيا فيها كل حاجه بتمناها بس هى فيها شويه حاجات كده عايزة تتظبط وانا قدها وهاتشوف انا لازم اغيرها زى ما انا عايز بس كله فى وقته هى دلوقتى واخده راحتها علشان احنا مخطوبين بس لكن بعد الزواج كل ده بيتغير

كريم: يابنى انت فاكر انها ممكن تتغير بعد الجواز ده صعب جدا وحاجه مش مضمونة
باسم: طيب والحل اعرف ازاى اذا كان ممكن تتغير ولا مش ممكن

كريم:تقصد استجابات لطلبك انها تتغير اولا

باسم: اه

كريم: صعب شويه اننا نعرف ده بس اذا كانت فعلا ناويه تتغير استجابت يبقى هتنفذ بسرعه يعنى لو سوفت

وما طلت يبقى بتهرج وبتسكتك وخلاص

باسم :ا نا اليوم ها نتظر قرارها النهائى

كريم: عارف غلطتك انك بتتعامل معاها باسلوب الند للند

يعنى بتجبرها انها تعند معاك

باسم: مش فاهم

كريم: يعنى بتدفعها انها تاخذ موقف عدائى لانك بتحسسها انك واحدة واحدة بتحاول تسيطر عليها

باسم: مش ناقص الغازك

بدون لف ودوران اخلص وقول اللى عايز وتقوله

كريم :هافتكر لك مثال

يعنى مثلا انت قلت لها انا مش عايزك تلبس الطقم ده تانى

كده وسبتها ما شرحتش ليه

بس اكتفيت بنهيها عن لبسه بدون ابداء اسباب

باسم:وانا كل ما اقولها اعملى وما تعمليش لازم اشرح لها التفسير العلمى لهذا الحدث

كريم: انت بالفعل وصلت للمفيد

يعنى مثلا هاقولها انا مش عايزك تلبسى الطقم ده تانى علشان تمنعها من حاجه لازم تقولها علشان

1-..... 2-.... 3-...

زى ما انت لك عقليه احترم عقليتها

باسم: لو سيادتك مكانى هتعمل ايه

كريم : لو مكانك عمرى ما هاعمل كده

باسم:يبقى ما تنصحش بحاجه مش هتنفذها

كريم : لانى مش هاحتاج انفذها الا لما استنفذ اكتر من طريقه وفى الاخر

ان اضطريت هاوصل للنهى المباشر

باسم: ازاى

كريم: ممكن تقولها ممكن القمر ده ما تلبسش الطقم ده تانى

هترد وتقول لك: ليه هو مش حلو عليا

هترد تقول لها :الطقم ده عليكى تحفه ما شاء الله وانا ما شفتش حاجه انتى بتلبسيها بتكون عليكى وحشه بس انا مش عايز حد يحسدنى عليكى

ده مثال

او ممكن تقولها انا مش عايز حد يشوف الجمال ده الا نا




او هو طقم شيك وكل حاجه بس انا ملاحظ انه ماسك عليكى شويه وانا مش عايز حد يشوف جمالك غيرى

وانت عارف ان الكذب فى المواضيع ده حلال مش حرام

وانت بقى فكر تقولها ازاى انت ادرى منى باسلوب اقناعها

باسم : ده بالنسبه ل للبس طب لو الخروج يا فالح

كريم : اولا انت مش من حقك انها تستاذنك قبل ما تخرج مادام ان هى فى بيت والدها وانت ما عقدتش عليها بس لو انا مكانك هاعمل ايه واتصرف ازاى

واخذ يفكر لبرهه من الوقت ثم قال

كريم : ما دام لسه مافيش عقد مش هاقدر اطلب منها

بس بعد العقد بقى هاقولها

ممكن لما تيجى خارجه بس تقول لى علشان ما اتصلش او اجى وانتى مش موجوده

او ممكن ابدا بنفسى ومثلا ابدا اقولها انا النهارده هاكلمك متاخر لانى احتمال اخرج

بعد الشغل

علشان هى تبدا هى كمان تقول لى لما تخرج باسلوب غير مباشر من غير ما اطلب

وعارف مثلا لو عايز تعرف كل حاجه عنها أبدا بنفسك واحكى لها عن شغلك وهى تدريجيا هتعمل زى ما انت بتعمل معاها

وخلى بالك ان المكان والوقت مهمين جدا لما تحب تقولها على حاجه او تنبهها لشىء يعنى مش تكون انت وهى مشحونين والحوار بينكم على اشده وتقولها

بصى بقى مافيش خروج ودخول الاباذنى و ده اخر مرة تعملى كده

شىء طبيعى جدا انها تعند الممنوع مرغوب

باسم: اما انت بروفيسور كده واختصاصى حل عقد ومشاكل ما خطبتش ليه للآن

كريم : ربنا يسير

باسم :مش من فترة كانت والدتك بتكلمك عن بنت كده مش فاكر اسمها كان نشوى

كريم:رضوى

باسم:اه تقريبا

ياترى رضوى ده شكلها ايه

كريم :بصراحه انا من اللى باسمعه عنها شكلها كده ان شاء الله تكون بنت كويسه

باسم: طب ما تطلب من والدتك انك تقابلها

كريم : ربنا ييسر بس الموضوع محتاج تآنى لانه مش سهل

باسم : ليه التعقيد ده بس

كريم : مش تعقيد ولا حاجه بس انا باستخير

باسم : تستخير ايه هو انت شفتها

كريم : لا لسه بس ايه اللى يمنع انا باستخر لو فيه خير ربنا يكرمنا لو مافيش خير بينا ربنا ييسر لكل مناالخير

باسم : طب شوفها واحسم الموضوع

كريم : انا ناوى باذن الله

باسم : امتى بعد 50 سنه

كريم : لا 6 او 7 سنين كفايه

باسم: ههههههه ده انا كده اللى بارد

كريم : ههههه لا بس لما احس انى مرتاح اكثر للموضوع هاعزم ومش هاسوف تفتكر يعنى انا باستخير ليه؟

باسم : علشان تحرق دمى انا عكسك خالص انا فى المواضيع ده باستخدم سرعه النفاثات مش سرعه السلحفاه

كريم :المواضيع ده اكثر مواضيع تحتاج التانى والتريث

هو مش كلام افلام نظرة فابتسامه لا يابنى ده عمر كامل هنقضيه معا حتى يقضى الله امرا كان مفعولا

باسم : لا فى المواضيع ده نظرة فابتسامه هى شعارى ومبداى هى ده اجمل حاجه فى المواضيع ده

كريم : بجد انا قلقان عليك

باسم : على مين يا بنى واضح انك لسه ما تعرفش صاحبك كويس

كريم : ما هو اللى ماخوفنى انى عارفك كويس

باسم : بكره نشوف

كريم : اللهم اكفينا شر المستخبى

ده احنا يااما هنشوف منك يا باسم

وانهى كل منهما عمله وعاد لمنزله

كريم : عامه يارب ان كانت رضوى زوجه صالحه لى يسر لى السبيل لها ويسر لها السبيل لى

لم يكف كريم عن ترديد هذا الدعاء منذ ان سمع عن رضوى اصبح هذا دعاءه عقب كل صلاه وفرغ من صلاة القيام

ونام وفى الصباح الباكر ذهب لعمله

وفى فتره الراحه تبادل كلا من كريم وباسم الحديث

باسم: الحاجه لسه برضه مستمرة بالتلميح عن ادب واخلاق رضوى

كريم: مش بس كده مزودين الجرعه شويه الايام ده

يعنى لازم اسم رضوى يتكرر زى الدواء قبل وبعد الافطار والعشاء

باسم: والحاجه ماشيه على كورس العلاج كويس

كريم: ربنا يسهل والكورس ما يتحولش لمضاد حيوى وكل ست ساعات يقولوا لى رضوى عملت رضوى قالت رضوى بتقول

باسم :وانت ايه رايك فى الموضوع بشكل عام اصلى عارف ان

الزن على الودان

امر من السحر

كريم:هى بنت كويسه انا لمحتها مرة وهى جايه لاختى علشان يخرجوا معا اكثر من مرة

باسم: و رايك ايه ؟

كريم: هى مؤدبه وملتزمه بس حتى عمرها ماسلمت عليا رغم انها عارفه كويس انى اخو سلمى صاحبتها الانتيم
بس تشوفنى كانها شايفه هوا ماشى جنبها

باسم: ايه الخنقه ده ..يعنى شكلها عامل ازاى

كريم: عاديه مقبوله

باسم: يعنى عاديه

كريم: بص يابنى الموضوع مش موضوع جمال ومادام فى قبول وارتياح النبى عليه الصلاه والسلام قال اذا نظر اليها سرته يعنى شكلها مش منفر ومقبول

قال سرته مش بهرته او اذهلته وانت عارف قد ايه النبى عليه الصلاه والسلام دقيق فى اختيار الفاظه

باسم:عليه الصلاه والسلام انا معاك بس الواحد نفس فى واحده كده زى اللى بيطلعوا فى التلفزيون دلع وجمال ورقه علشان الواحد بعد الزواج يغض بصره نهائى وانت عارف ان المرأة تنكح لمالها وجمالها وحسبها وونسبها يعنى الجمال اتذكر فى الموضوع

كريم:اتذكر طبعا بس كمل بقيه الحديث فى الاخر خا لص النبى عليه الصلاه والسلام لخص المفيد فى كلمتين فاظفر بذات الدين

باسم: عليه الصلاة والسلام وايه اللى يمنع انها تكون جميله ومتدينه

كريم: ما فيش ما يمنع ربنا ييسر لك بس واضح ان الجمال شرط اساسى عندك

باسم: النبى عليه الصلاه والسلام ذكره اخر حاجه معنى كده انه شرط مهم جدا جدا لا يمكن اغفاله

كريم:ا نا معاك بس ليه الحديث ده ما تكمل بقيه الاحاديث المتعلقه بالنكاح

باسم: زى ايه

كريم: قال رسول الله صلى الله عليه وسلم

(من تزوج امرأه لمالها لم يزده الله الا فقرا )

ومن تزوج امرأة لحسبها لم يزده الله الا دناءة)

ومن تزوج امرأة ليغض بها بصره ويحصن بها فرجه أو يصل رحمه بارك الله له فيها وبارك لها فيه )

باسم: عليه الصلاه والسلام اول مرة اسمع الحديث ده

كريم : اكيد سمعته بس علشان مش موافق هواك ما علقش فى ذهنك


وهنا سمعا اللاثنان صوت اعلان انتهاء الفتره المخصصه للراحه وتوجها معا

ا لاستكمال اعمالهم

باسم: بجد فكر كويس فى موضوع رضوى

كريم : انا مش مستنى انا شغال استخارة وربنا ييسر الخير لى ولها

باسم: امييييين

شعر كريم تدريجبيا بالراحه النفسيه تجاه ارتباطه برضوى فعزم على ان

يتعرف عليها واخذ يخطط كيف يتعرف اليها ويتحدث معها دون ان يثير حفيظتها

ودون ان يسبب لها وله اى حرج

فلقد سمع من والدته واخته سلمى ان رضوى ستاتى غدا وسيتناولان الغذاء معا و

سيتدربان على ما تم دراسته فى كورس الكومبيوتر ثم سيخرجان لحضور

الكورس

فعزم على اغتنام الفرصه

فقرر ان ياخذ اليوم اجازة من عمله

وعقب صلاه الظهر سمع جرس الباب وعلم ان رضوى حضرت لزيارة اخته

فعزم على ان يفتعل اى موقف لمبادلتها الحديث

من منطلق تكلم حتى اعرف من انت

بس المشكله بقى يكلمها فى ايه ؟

وعن ايه ؟

ويبدا الحوار من الاساس ازاى معاها؟

الحلقه الخامسة

الحلقه الخامسة
شعر كريم تدريجبيا بالراحه النفسيه تجاه ارتباطه برضوى فعزم على ان تعرف عليها

واخذ يخطط كيف يتعرف اليها ويتحدث معها دون ان يثير حفيظتها

ودون ان يسبب لها وله اى حرجف

لقد سمع من والدته واخته سلمى ان رضوى ستاتى غدا وسيتناولان الغذاء معا وسيتدربان على ما تم دراسته فى كورس الكومبيوتر ثم سيخرجان لحضورالكورس فعزم على اغتنام الفرصه

وقرران ياخذ اليوم اجازة من عمله وعقب صلاه الظهروبعد ان فرغ من دعاءه واستخار فيما عزم عليه

تناهى الى سمعه صوت رنين جرس الباب وعلم ان رضوى حضرت لزيارة اخته فقرر ان يفتعل اى موقف لمبادلتها الحديث من منطلق تكلم حتى اعرف من انت بس المشكله بقى يكلمها فى ايه ؟

وعن ايه ؟

ويبدا الحوار من الاساس ازاى معاها؟

كان يسمع صوتها الهادىء الضاحك وهى واخته تتبادلان الحديث وتمزحان معا

وحدث نفسه قائلا: الحمد لله حاجه كويسه ما طلعتش خرساء

ده بتتكلم ولها لسان ولسان ساخر ولاذع جدا كمان

ده انا كنت افتكرت انها خرساء من الاساس او عندها عيب فى النطق او ضمور فى وظائف اللسان

بس ده مابطلتش ضحك وهزار هى وسلمى من ساعه ما دخلت

بجد عملت للبيت روح ظريفه

اهو كده الواحد اطمن شويه استعنا على الشقا بالله

وكانت رضوى تجلس مع اخته فعزم على ان ينبههن لخروجه

كريم : احممممم احممممم سلمى معاكى حد

سلمى : اتفضل يا ابيه كريم ما حدش غريب

كريم : سلام عليكم

رضوى بصوت خافت جدا يكاد يكون هامسا : وعليكم السلام ورحمه الله وبركاته

سلمى :وعليكم السلام اعرفكم ببعض آبى كريم يارضوى اخويا الكبير رضوى اعزصديقاتى

كريم : اه اهلا وسهلا متهيالى سمعت عنها منك

يا ترى بتعملوا ايه على الجهاز بتخربوا ايه بالظبط

سلمى: ما فيش بنحاول ننفذ اللى درسناه فى الكورس بنطبقه عملى

كريم : مش محتاجين اى مساعده

سلمى : اه فعلا انت جيت فى وقتك

ده احنا فيه جزء مش عارفين ننفذه خالص

كريم فى سره ياسلام اهى الفرصه جت لحد عندى

كلايم : تحبوا اساعدكم فيه

سلمى : ياريت

ووجه كريم حديثه للرضوى قائلا: شايف ان ده مش راى صاحبتك

رضوى: لا ابدا بس مش عايزين نزعج حضرتك

سلمى: نزعجه ايه بس ما هو اجازة وفاضى

وبدا كريم بالشرح وبدات المحادثات والمناقشات مما اعطاهما مساحه من الحريه

واهم ما فى الامر انه منحهما فرصه للتحاور حول شىء مشترك

سلمى : انا هاقوم اعمل لنا نسكافيه علشان تكمل لنا شرح

فانزعجت رضوى جدا من فكرة خروج صديقتها

ولكن كريم قاطعها قائلا: لا مش محتاجه نسكافيه بعد ما اخلص اشربوا اللى انتم عايزينه

واحترمت رضوى موقفه

واستاذنهما وانصرف لصلاه العصروقبل ان ينصرف سالهما قائلا:

كريم : انت اخترتم فكرة المشروع النهائى ولا لسه ؟

بادرت سلمى بالرد : لا لسه معانا كام فكرة بس لسه بنفاضل بينهم

كريم فى سره : يعنى كل كلمه بتردى عليها ياست سلمى

نفسى تديها فرصه تتكلم هى كمان اشمعنى لما الواحد بيكون عايزك بيفضل ينادى عليك اكتر من خمس ساعات

ياسلام لو تسكتى شويه

كريم : زى ايه

رضوى : انا عايزة اصمم صفحه ويب شامله ايسر برامج الحفظ والقراءات ونفسى جداانها تشمل تدريس عملى للتجويد بس باحاول ابحث عن افضل اسلوب اقدر اضيفه للموقع

كريم: فكرة ممتازة بس لازمها شغل جامد

رضوى: ربنا ييسير لنا الامر ويتقبله منا

كريم : امين

ياريت تشركونى فى مشروعكم احب جدا انى اساعدكم فيه وانفذه معاكم ولا انت عايزين تستاثروا بالثواب كله

رضوى : بس مش عايزين نتعب حضرتك

كريم :لاتعب ولاحاجه ربنا يتقبله ويجعله خالص لوجهه الكريم

رضوى : اميين

سلمى : امين

واستاذن وانصرف للصلاه

وحينما عاد من الصلاه وجد ان اخته ورضوى قد انصرفتا

فانتظر حتى عادت شقيقته

كريم :عملتم ايه فى الكورس النهارده

سلمى : غريبه اول مرة تسال

كريم وقد شعر بالحرج : بأسال يا غلباويه علشان اعرف فهمتى الجزء اللى شرحته ولا ما فهمتيش

سلمى : مممممممم وانا اللى دماغى راحت لحاجه تانيه خالص

كريم :زى ايه يعنى

سلمى : افتكرت انك بتسا ل .........ولا بلاش لاحسن تزعل

كريم اراد ان يحاول ان يحثها على الكلام : ليه وأنتى ناويه تقول لى حاجه تزعلنى

كريم : المهم انت عرفتى تنفذى اللى شرحته لك

سلمى : اه

كريم : كان سهل عليكى

سلمى: اه

كريم: وصاحبتك برضه فهمت

سلمى : اها اااااااااااا

ختنق كريم من اسلوب اخته المستفز فى الرد ولكنه عزم على ان يصبر حتى يعرف ما دار بينهما

سلمى : مش عايز تعرف حاجه تانى

كريم : لا هاكون عايز اعرف ايه تان

ىسلمى : لا انا بأسال بس

كريم: وانتى سالتى وانا رديت

سلمى : يعنى افتكرتك عايز تعرف رضوى قالت ايه عنك لما مشيت

وهنا شعر كريم باللهفه والفضول لمعرفه الحديث ولكنه لم يشا ان يظهر هذا لاخته

كريم : وده يهمنى فى ايه

سلمى : ما انا برضه باقول كده

كريم وقد ابتسم ابتسامه يملاها الغل : طيب يا ذكيه روحى شوفى وراكى ايه

سلمى : عندك حق اقوم اشوف ورايا ايه احسن

وقامت لتذهب لحجرتها

شعر بالحنق فلقد اراد معرفه ما دار بينهما واخته مستمرة فى الاستفزاز بجد الاخوات البنات فعلا منتهى الغلاسه

ودخلت اخته حجرتها وهمت باغلاق باب الحجرة وقبل ان تغلقه وجهت اليه الحديث قائله

سلمى : على فكرة يا ابيه كريم

كريم : همممممممسلمى : رضوى بتقول انك محترم جدا

كريم : ايه اللى خالاها تقول كده

سلمى وهى تغلق باب غرفتها : مش هاقول لك

كريم وهو يحاول ان يحول دون اغلاقها الباب : انت اللى جيبتيه لنفسك وقام بالقاء جميع وسائد المنزل عليها

سلمى خلاص خلاص ها قول

كريم : حرمتى ولا لسه

سلمى : هاقول بس سيبنىي

وازدردت لعابها وقالت

اصلها واحنا ماشيين قعدت تقول لى

انا زعلانه منك انتى ازاى كنتى هتقومى تعملى لنا نسكافيه وتسيبينى مع اخوكى

وازاى من الاساس تسيبينى عامله اضحك واهرج كده مش كنتى تقول لى ان اخوكى موجود بدل ما انا كان صوتى عالى كده الحمد لله ان اخوكى طلع عاقل مش زى اخته

كريم: بس كده

سلمى : اللبيب بالاشاره يفهم

يعنى لو بتدور على عروسه ده لو يعنى او ناوى تتقدم لها انا شا يفه انه مش هيكون عندها مانع

وتركها كريم وانصرف

واخذ يفكرما معنى حوار اخته

هل معنى هذا ان هناك تجاوب بينه وبين رضوى

ولا ده رد فعل طبيعى من رضوى

وما فيش من ناحيتها لا ارتياح ولا انا فى دماغها من الاصل

واخذ يفكر.............................................. .........................










التوقيع
((الم يعلم بان الله يرى ))

قام باسم بالعديد من المحاولات للتقرب من رانيا

ولكنه لاحظ منها تعاليها واعتزازها بنفسها بطريقه مبالغ فيها

واشد ما اثار قلقه شخصيتها المستقله والمعتدة برايها جدا جدا

لكنه لم يمهل نفسه اى فرصه لمحاوله دراسه الامر والتفكير فيه فانبهاره بجمالها وشياكتها ورقتها وشعرها وبرفانها واهتمامها الزائد بمظهرها الخارجى

اعماه عن اى محاوله للتفكير فى اى فكرة سوى الاستحواذ عليها والزواج منها

ومن هنا بدا باسم بعمل بعض الخطوا ت للاقتراب من رانيا طبعا وكلكم عارفين

من اول الخطوات التقليديه المتبعه فى هذه المواقف

بجد الموضوع متشابه عند معظم الشباب كانه منهج اضافى يتم تدريسه للشباب كلهم فى منهج خاص بهم

من اول عامله ايه الصبح

محتاجه مساعده فى حاجه

اتاخرتى ليه قلقنا عليكى

عزومه على عصير او غداء

تبادل ارقام التليفون

انا طلبت لك ديلفرى انتى ناسيه نفسك فى الشغل وما اكلتيش

مع العلم انها ممكن تكون متعمده وعامله دايت بس ما تسيئوش الظن الولد مش قاصده اى حاجه بلاش سوء الظن بتاعنا ده ده ياجماعه علشان الاطمئنان على سير العمل ولو احتاج الامر استشارة سريعه يبقى رقمها فى ايده علشان يكلمها على طول

اللهم الا محافظه على سير العمل ومواعيده ولكن كل هذا لم يمنع باسم من الاستمرار فى محاوله لفت انتباهها وجذبها اليه ولاحظ كريم محاولاته المستمرة وود ان يلفت نظره لهذا الامركريم : مش ملاحظ انك مزودها حبتين

باسم: لا طبعا ده تصرف عادى من زميله لزميلته

كريم: زميل لزميلته هى قوانين الزماله الجديده اتغيرت وبقا من ضمنها عزومه الزملاء على الغداء والاتصال يوميا بعد الشغل

باسم: عزومه الغداء وبصيت لى فيها واعتذرت عنهاوالتليفون بنتكلم فى الشغل بس اصلى بينى وبينك

كريم : ايوة وصلنا للمفيد انا عايز اللى بينى وبينك ده

باسم: انا مستعجل اوى وخايف لاحسن حد تانى يتقدم لها

كريم : مستعجل على ايه ماحدش بيتجوز قبل ميعاده

باسم: ياساتر يارب هو انا قلت لك ناوى اموت

كريم : طيب ما تدخل فى الموضوع على طوول و تشوف رايها ايه

باسم: صراحه مش عارف اتكلم هنا فى المكتب ومتردد جدا لا ترفض

كريم : استخير وربنا يلهمك الصواب

باسم: ايوة ادعى لى انا محتاج الدعاء جامد جداوبعد عدة ايام ومع استمرار محاولات باسم عزم باسم على مفاتحتها فى الامر وقبل لحظات قليله من انتهاء العمل واثناء توجهه للمكتب لمح رانيا متجهه لمكتب المدي

فاسرع الى مكتبه واحضر منه لفافة وهرول لرانيا

باسم: رانيا عايز اتكلم معاكى شويه

رانيا : مش فاضيه المدير طالب رسومات المشروع الجديد وانا لازم اخلصها دلوقت

باسم : ممكن نبدل واعطاها الهدية التى كان يخبئها وراء ظهره وحصل هو على الرسومات

رانيا : ايه ده

باسم : هدية

رانيا : وايه مناسبتها

باسم : بدون مناسبه هديه من زميل لزميله او اعتبريها بمناسبه مرور شهرين على شغلك معانا

وحاولت رانيا ان تعتذر عن قبول الهدية باسلوب مقبول دون ان تحرج باسم ولكنه لم يمهلها هذه الفرصه

باسم:بشمهندسه رانيا انت عندك عربيه هيوانداى بيضاء مركونه جنب قسم الصيانه

رانيا : اه ليه ؟

باسم: باين ان فى حد حب يهزر معاكى ويعمل فيك مقلب فجاب لك الاربع فرد على الارض

رانيا: بيهزر وذهبت لترى بنفسها وتتاكد مما قاله باسم

وهم باسم للالحاق بها فاوقفه كريم قائلا

كريم بسخرية لاذعة : عندك عربيه بيضاء قال يعنى الواد مش متابع وعارف هى ايه وبتركنها فين

باسم: انت واقف من امتى

كريم : من ساعه ما كان حد رخم بيعمل المقلب

باسم:يا اخى مش ناقصه عطله عاوز الحقها قبل ما تركب تاكسى

كريم : ايه الشهامه ده

باسم: من بعض ما عندكم اوعى بقى علشان الحقهاوهب باسم للعب دور الرجل المنقذ او سوبرمان

رانيا: مش عارفه مين اللى ممكن يعمل كده وليه

باسم :المهم انتى هتعملى ايه دلوقت رانيا : مش عارفه ها اتصل بالميكانيكى يصلحها

باسم :وتفضلى مستنيه كل ده فى الشمس سيبينى انا هاتصرف

رانيا: هاتعب حضرتك معايا

باسم : ما تقوليش كده بس انا هاتصل بالميكانيكى اللى بتعامل معاه وهيجى يصلحها حالا

رانيا : متشكرة جدا مش عارف اقول لحضرتك ايه

باسم: ما فيش داعى متهيالى لكلملمة (حضرتك) ولا انتى عايزانى اقولك حضرتك وبشمهندسه ونخليها رسمى جدا

رانيا : لا طبعا

باسم: متهيالى اتفقنا هاعزمك على الغداء

رانيا: لا اسفه مش هينفع علشان ما اتاخرش وكمان مش عاوزك تعطل نفسك

باسم : طيب بلاش غداء نخليها عصير

رانيا :لا ما فيش داعى

باسم : طيب ممكن ناخد اتنين اى حاجه مع بعض

رانيا :..........

باسم : انا عايز اتكلم معاكى لحد ما العربيه تتصلح يعنى هنقف كده فى الشارع

رانيا: لا انا هاركب تاكسى وتتصلح على مهلها

باسم : طيب ما انتى محتاجه العربيه علشان تيجى بيها بكرةاستنى شويه وهى هتتصلح باسم: مممممم . ايه رايك ؟

رانيا:..............

وذهبا الاثنان لتناول المشروبات حتى ينتهى الميكانيكى من اصلاح السيارة

واخذ باسم يرتب افكاره حتى يرى كيف يفاتح رانيا فى هذا الموضوع

واخذ يحكى لها عن نفسه وعائلته وعن تخطيطه لمستقلبه وطموحه

وهنا بدات الحاسه الانثويه الثامنه فى العمل وتحليل الموقف واستنباط النتائج

وفهمت جيدا تلميحات باسم

فنظرت له قائله

رانيا: باسم هى الترجمه هتنزل امتى

باسم : ترجمه ايه

رانيا : ترجمه الفيلم اللى احنااحنا فيه

باسم : فيلم ؟

رانيا: ما تزعلش بس ياريت تقول اللى أنت عايزاه بدون المقدمات ده كلها

باسم وقد ادهشه ان يخرج هذا الحوار من فتاة : بدون لف ودوران انا طالب ايدك

رانيا : .........

باسم: ما سمعتش ردك عامه..لو مش موافقه او فى حد تانى عادى اعتبرى كانك ماقلتش

حاجة

رانيا : انت بتلكك انا ساكته لانى مش متعوده على كده وكمان احنا ما كملناش شهرين مع بعض ما لحقناش نعرف بعض علشان انك تتقدم لى

باسم : مش فاهم يعنى ردك ايه

رانيا : هى العربيه كل ده بتتصلح

باسم : بصى عامه مش هاضغط عليكى فكرى وانا مستنى ردك وهنا كان لابد من الجمله الشهيرة فى هذه المواقف عامه ايا كان ردك احنا اكيد هنفضل زمايلتفتكروا فعلا مهما كان الرد هتستمر الزماله بينهمولا كل ده هيتغير

الحلقه الثالثة
استاذن كريم والده ان ينام فلا شهيه له لتناول الطعام الان ووضع راسه على الوساده
لعله يجد عندها الراحه التى ينشدها وشرد بافكاره بعيدا جدا

شرد فى عمله هو وباسم معا

واول يوم لعمل رانيا معهماكان كلاهما منهمك فى انهاء المشروع الذى كلفهما به المدير
تذكر عندما طلبهم المدير لمقابله عاجله
تذكر الموقف بكل تفاصيله
استرجع ذهنه باسم وهويعيد ارتداء الجاكت ويسيران معا
الى مكتب المدير حيث طلب لقاءهما
باسم: تفتكر عايزنا فى ايه

كريم: مش محتاجه ذكاء بيطمئن على المشروع اللى لسه مخلصش وشكله كده مش هيخلص اكيد هيطلب اضافة بعض التعديلات للمشروع

وطرق باسم باب المدير

كريم وباسم معا: السلام عليكم

المدير: وعليكم السلام ورحمه الله وبركاته اتفضلوا

المدير:ها ايه اخبار المشروع؟

هم كريم بالاجابه
ولكن باسم سبقه قائلا:

باسم: تمام فاضل حاجات بسيطه وباذن الله نسهر ننجزها النهاردة

المدير: ربنا يوفقكم بس مش ده اللى انا طالبكم علشانه

المدير:انا عايز اعرفكم بزميلتكم الجديدة المهندسه رانيا

هنا انتبها هما الاثنان الى الفتاه الحسناء الرشيقه التى تجلس هناك

وتبادلا معا التحيات

المدير: ان شاء الله رانيا هتكون معاكم فى نفس المكتب وهتبدا معاكم الشغل من بكرة باذن الله

وبدا التعارف بينهماواستاذنا لينصرفا لاستكمال عملهم

وداخل المكتب تبادلا كلا من باسم وكريم الحوار

كريم بتهكم: المشروع تمام ياافندم وفاضل حاجات بسيطه ونسهر ننجزها

باسم :كنت عايزنى اقول ايه

كريم: طيب ما هو ممكن يسالك بكرة عن المشروع النهائى

باسم : ما احنا نسهر ونحاول ننجز اكبر جزء النهاردة

كريم: ده على افتراض ان اليوم عندنا 60 ساعه مش زى اليوم البشرى الطبيعى

باسم: ياعم اشتغل بس وما تقاطعش وكويس المهندسه الجديده اللى جت تنجز معانا

باسم: مش كان الاحسن لو تشتغل معانا من النهاردة

كريم: من أولها المهندسه الجديده ارحم انت لسه فاكر نفسك فى الجامعه

باسم: فين ايام الجامعه ده كانت ما تتعوضش م تفكرنيش

كريم: رغيك ده اللى هيضيع اليوم

يالا مش احنا فاضل لنا حاجات بسيطه يالا ننجز الحاجات البسيطه

باسم :طيب نطلب م المهندسه الجديده اونسالها رايها يمكن يكون لها راى مختلف فى التصميمات

كريم: متهيالى بكرة هيكون بدايه العد التنازلى لك فى الشركه

باسم وهو يتذكر ملامحها: اصلها بجد جميله ورقيقه وشيك
كريم : الله يهديك يا شيخ
باسم : فكرتنى ليه بس ما انا كنت ساكت وناسى

كريم:عمرك ما هتتغير دايما الشكل اهم حاجة عندك
باسم : طبعا حتى الشاعر قال الوجه الحسن
كريم : يا راجل وانت بتهتم دلوقتى بالشعرده اذا اصلا ده كان شعر

باسم: ياعم انا بالعب فى المضمون بس متقاطعش مش يمكن ما يحصلش قبول من ناحيتها

كريم: انت كمان بتفكر فى قبولها او رفضها انت لسه ما تعرفش اى حاجه عنها طريقه تعاملها اخلاقها

باسم : الكلام ده كان فى الستينات الان الشكل الخارجى هو العلامه المسجله

باسم: وكمان شكلها بنت ناس وانت هتقدر البلاء قبل وقوعه ليه بس

كريم: نفسى اعرف مفهوم( بنت ناس) ده عندك تعريفه ايه بالضبط .بس
ثم اكمل وهو يقلد صوت باسم
كريم: الاحسن اننا نبطل رغى ونشوف المشروع اللى فاضل له حاجات بسيطه مش صح برضهاوممكن والله اعلم انه احتمال يكون خلص

باسم: هنبدا التريقه يبقى مش هنخلص

باسم: عارف انا مش طالبه معايا شغل دلوقت

كريم: ممكن اعرف طالبه مع حضرتك ايه بالضبط

باسم :تعالى نتغذى فى المطعم اللى جنب الشركه ونشرب اى حاجه وبعدين نرجع ونخلص

كريم:ونخلص ليه ونتعب نفسنا احنا ندعك المصباح ونطلع الجنى ونطلب منه يخلص المشروع عقبال ما نشرب انا وانت اثنين نسكافيه مظبوطين كده

باسم وهو يتظاهر فى التفكير بعمق :نسكافيه هى ده تعويذه الظهور

كريم : سخيف فعلا

باسم:ما فيش اسرع من كده ايه الجنى البطىء ده

كريم:انا ضغطى عالى ومش مستحمل

باسم: بس تفتكر اقرب لها ازاى؟يااه مش كان احسن لو عملوا نظام الاكل زى الجواز

كريم : ايه يابنى انت سخنت وبدات تخرف

باسم: اقصد اللى يتجوز واحده ياخد التانيه مجانا

كريم : ليه انت هتتجوز من دومينوز ولا كنج

باسم: ااااااااااااه لو كل حاجه الواحد بيتمناها تتحقق

كريم : الحمد لله انها ما بتحققش ده كانت تبقى كارثه

وبدات محاولات باسم للتقرب من رانيا

وبالفعل نفذ باسم ما عزم عليه وتقرب منها وبدات رانيا تدرك بمشاعر باسم تجاهها وبادلته اياها

كيف تاكد باسم من مبادلة رانيا المشاعر معه وماذا حدث وترى هل رانيا الفتاة المناسبه لباسم !ام ان هناك اخرى ؟؟؟معادنا الحلقه القادمة

الحلقه الثانيه

فرغ كريم من صلاته وفرغ من الدعاء ثم تمدد على سريره واخذ يسترجع الاحداث التى مرت به منذ ان كان طفلا

تذكر كيف قضى طفولته وكيف كان حريصا على التفوق الدراسى تذكر عندما كان يسترجع دروسه هو وصديق طفولته وصباه وشبابه منذ الطفوله

تذكر(باسم) كيف كان يستذكران معا دروسهما وكيف كان يقضيان اوقات فراغهما معا حتى انهما حصلا على نفس على المجموع بفارق 3 درجات فى المائه لصالحه

تذكر اليوم الذى ذهبا ليحضرا معا نتيجه الثانويه العامه فى هذا اليوم لم يستطع كريم النوم فقد تم اعلان ان غدا

باذن الرحمن نتيجه الثانويه العامه

حاول مررا ان ينام ولكنه لم يستطع فقرر الاتصال بباسم

كريم :سلام عليكم

باسم: سلام عليكم مين معايا

كريم: انا كريم يا باسم

باسم: بسم الله الرحمن الرحيم فى انسان عاقل يتصل فى وقت زى ده

كريم:مش عارف انام

باسم: طب وانا ذنبى ايه؟ ايه يابيبى عايزنى احكى لك الحدوته ولا اجهز لك الببرون

كريم : انا غلطان انى اتصلت بواحد زيك

باسم : طب خلاص ما تزعلش اصلك بصراحه غلس وفوقتنى من حته حلم

كريم: ياقلبك يا شيخ كنت نايم و باتحلم كمان

باسم: حته حلم وكنت راكب حته عربيه B. M .W

كريم: انت واحد دماغك فاضيه ورايق

باسم: انت لسه قلقان برضه ياعم كبر

كريم: كبر

باسم: وقوع البلاء ولا انتظاره يعنى احنا ذاكرنا وعملنا اللى علينا يعنى ممكن تجيب 100% وتلاقى الكليه بتقبل من 102%

كريم: الله يبشرك بالخير انا اتمنى يبقى عندى شويه من بروده اعصابك ده

باسم:خليك زى ونام .... ما حدش واخد منها حاجه

كريم: مش عارف انام ؟ انت هتعمل ايه لما نقفل

باسم: لو عفيت عنى وعتقتنى لوجه الله هانااااااااااااااام ومش بعد شويه ده هانام حالا

كريم: طيب خليك معايا شويه ده انا مش عارف انام

باسم: تصبح على خير

كريم:باسم..باسم.....انت قفلت طيب تصبح على خير

لم يستطع ان ينام فقام وصلى الفجر وقرأ ما تيسر من القران واخذ يدعو الله ان يكرمه هو اصدقاءه وسائر المسلمين

احس ان عقارب الساعه تتحرك ببطء انها مازالت السادسه صباحا و مازال هناك 3 ساعات على ميعاد اعلان النتيجه

اخذ يدور فى الشقة ذهابا و إيابا ثم قام ليجلس على الجهاز ليجرب اللعبه الجديده التى اخذها من باسم والتى وصفها بقوله لعبه ايه جامده طحن

لكنه لم يستطع ان يركز فيها فاغلق الجهاز وجلس استيقظت والدته وسالته قائله

والدة كريم: احضر لك الافطار ولا لسه هتصلى

كريم: لا يا امى شكرا والحمد لله انا صليت

والده كريم: يا حبيبى ما تقلقش انت عملت اللى عليك وسيب الباقى على ربنا سبحانه وتعالى يا حبيبى انت وباسم سهرتم وتعبتم وذاكرتم ما تقلقش (ان الله لا يضيع اجر من احسن عملا )

كريم: انا مش عارف باسم ده عارف ينام ازاى؟

و لقى ان الساعه قاربت على الثامنه والنصف فقرر ان يتصل بباسم حتى يستعدان للذهاب لاحضار النتيجه

كريم: سلام عليكم

والده باسم: وعليكم السلام

كريم: ايوة يا ماما ازاى حضرتك

والده باسم: الحمد لله ياكريم عامل ايه ان شاء الله ربنا يكرمكم انتم وجميع اولاد المسلمين

كريم: يارب يا ماما دعواتك

والدة باسم: ربنا يكرمك أنت وابنى واولاد المسلمين ثوانى اناديلك باسم

كريم: الحمد لله انه صحى

والده باسم: ده صحى وبيفطر كمان
كريم: بيفطرهو ليه نفس

والده باسم : طبعا انت عايز باسم ينزل من غير افطار ما انت عارف ان باسم ضعيف اوعى انت كمان ما تفطرش لازم تاكلوا علشان صحتكم

كريم :فعلا مع حضرتك حق باسم ضعيف ولازم ياكلو

الده باسم : باسم معاك يا كريم

كريم : انت متاكد انها والدتك يعنى تعرفك كويس

باسم: ايه ياظريف على الصبح ما انت امبارح كنت بتموت ومش عارف تنام انت هتفوق عليا

كريم :انت سمعتها بتقول عليك ايه ضعيف باسم ضعيف ده انت كنت مخلص اكل كنتين المدرسة والمدارس وكنا هنطلب معونه وامداد ات من الادارة التعليميه

باسم :صراحه كان نفسى يقبلوا طلبى بعمل فسحه بعد كل حصه بس للاسف رفضوا

كريم : هههههه

باسم:هههههههه

باسم: وايه هو انا مافيش ورايا غيرك ولا ايه

كريم: ايه لسه هتكمل الافطار ولا لاقدر الله شبعت

باسم: لا طبعا بس هاخد هدنه واكمل لما نرجع

كريم: طيب يا لا يافالح علشان نجيب النتيجه

باسم: صاروخ انت تحط السماعه وتغمض عينك وتقول جزر 3 مرات تلاقينا قدامك

كريم: طيب بسرعه يا فالح ولا اقول لك البس انت وانا هاعدى عليك اسرع

باسم: تمام يا افندم عسكرى مجند باسم بيقول علم وجارى التنفيذ

كريم: طيب يا لا يا عسكرى لادورك مكتب هعدى اخدك سلام عليكم

باسم: وعليكم السلام استنى ما تقفلش هات معاك التى شيرت الازرق بتاعك اللى كنت لابسه يوم الثلاتاء

كريم: بجد انت ..انت بارد واغلق السماعه

ومرت الاحداث فى ذهنه سريعا وتذكر رحله مكتب التنسيق وفرحه الالتحاق بكليه الهندسه وتذكر ايام الجامعه

كان هو و باسم شخصان لا ينفصلان فى كل شىء الدراسه الرحلات كل شىءاسترجع خياله حينما رزقه الله بالعمل فى شركه تابعه لاحد اصدقاء والده ومحاولته المستميته للالحاق صديقه للعمل معه فى نفس الشركه حتى يظلا معا كما كانا دائماتذكر صوت باسم وهو يهاتفه ليبشره بقبوله فى العمل كريم: سلام عليكم

باسم:وعليكم السلام ايه يابنى ما فيش اخبار عن الوظيفه ؟

كريم:هو مين اللى بيسال ده انا مش مصدق باسم ذو الاعصاب الحديديه هينصهر ولا ايه

باسم: لا طبعا عمره ما هينصهر بس الواحد صعبان عليه يكون سبب فى زياده معدل البطاله ا لرحمه حلوة برضه

كريم: بصراحه كان نفسى افرحك بس اعمل ايه

باسم قائلا: ولا يهمك عادى ده ارزاق وربنا مقسمه

اكريم:انا اقصد ان كان نفسى افرحك ان ربنا رحمك من صحبتى بس للاسف تم تعيينك اليوم فى الشركه فى نفس القسم معايا

باسم : الحمد لله طيب فى اى اخبار عن المرتب

كريم: لا يا بطل التفاصيل ده تعرفها بكره لما تجى تستلم الوظيفه باذن الله

باسم:طب الوظيفة عبارة عن ايه

كريم:سؤال غبى مهندس طبعا يعنى هتشتغل رئيس مراجيح مولد النبى

باسم:عليه الصلاة والسلام لا اقصد مهندس ولا تحت الاختبار

كريم: لا اول فترة طبعا لازم تكون تحت الاختبارافاق من ذكرياته على صوت والدته تخبره بان رضوى على التليفون

كريم:طيب لوسمحتى قولى لها انى هاكلمها بعدين همت والدته بالخروج من الحجرة لتخبر رضوى بان كريم سيعاود الاتصال بها فيما بعد ولكن اشارة من الاب اوقفت الام

والد كريم بلهجه حازمه لا تحمل الجدال: قوم رد على التليفون يا كريم مهما كان اللى حصل بينكم واخذ سماعه الهاتف من يد والدته حتى يمهل ابنه فتره ليستعد نفسيا لتلك المحادثة

الاب: ايه يا رضوى يا بنتى عامله ايه رضوى:الحمد لله ياعمى وحضرتك كمان

الاب: ايه يا رضوى ما وحشكيش اكل الحاجه ولا ايه ؟

رضوى: لا طبعا ياعمى انا ما اقدرش استغنى عن اكل

:طيب ما احنا فيها يالا تعالى لااحسن كريم مش راضى يتغدى من غيرك

رضوى:بجد يا عم

الاب":طبعا وهو يقدر يستغنى يالا تعالى ونتغدى كلنا

رضوى: معلش يا عمى مرة تانيه

الاب : طيب يا بنتى مش هاغصب عليكى اللى يريحك معاكى كريم

وتناول كريم السماعه من يد والده وامسك بها

رضوى: كريم انت معاياازدرد كريم لعابه:ايوة يا رضوى عامله ايه

رضوى:كده برضه تقلقنى عليك وكمان قافل الموبايل

كريم بجفاء : نسيت افتحه بعد الاجتماع

رضوى: انت عارف ان حاجه زى كده بتقلقنى عليك جدا بس مش مشكله المهم انك بخيروحشتنى هترجع امتى

كريم: معلش يا رضوى ان يمكن ابات النهارده هنا

رضوى: ليه ..خير

كريم:معلش ورايا مشوار ومش عايز ازعجك لما ارجع متاخر

رضوى: حتى لو هترجع الفجر انا فى انتظارك وما تتاخرش عليا انت قاعد منور عند مامتك وسايبنى انا لوحدى انا مستنياك ترجع وتنور بيتك

كريم:رضوى الكلام ده من قلبك

رضوى: انت عندك شك فى كده طبعا من قلبى

كريم:عامه مش هاحاول اتاخر

رضوى: هتوحشنى لحد ما ترجع بالسلامه خلى بالك من نفسك علشانى

كريم: باذن الله

انهى كريم اتصاله مع رضوى واخذ يفكر هل يصارحهاولا الاحسن ان يفضل ساكت لحد ما يفهم بالضبط اللى حصل

لازم احسم الامروصوت رضوى بيقول انها زى ما هى من ناحيتى طب ايه اللى حصل فعلا تفتكروا ايه اللى حصل؟؟

هل لنا ان نعود؟؟؟؟؟؟
بسم الله الرحمن الرحيم
الحلقه الأولى
داخل الحجرة المظلمه جلس كريم
وحيدا حزينا مطرق براسه يفكر ويتساءل ترى اهو المخطىءام ان الظروف هى التى فرضت عليه ذلك لماذا حدث هذا ؟
وما الذى ادى الى تطور الامر بهذا الشكل ؟
وما الدوافع التى دفعته لذلك ؟
وهل يستسلم ؟
ام يتراجع و يتظاهر و كآن شيئا لم يكن ؟
وهل هناك اى فرصه للتراجع .............
ثم سمع طرقات ضعيفه خافته على با ب غرفته
كريم: الباب مش مقفول
والد كريم : خيريا بنى الاكل مش كويس عندكم ولا وحشك اكل الحاجه؟
ولا باين عليك ناوى توفر وتقضيها يوم هنا ويوم هناك لاخر الشهر
كريم: لا ابدا وحشتونى وقلت اقضى اليوم معاكم زى زمان
والد كريم: واللى جاى يزور حد واحشه زى ما هو بيقول يدخل و يقعد وحده ولايقعد مع الناس اللى واحشينه
كريم: شويه كده و هخرج لانى راجع من الشغل مصدع
والد كريم: اللى يريحك بس رضوى سالت عليك 3 مرات من ساعه ما رجعت
كريم: لو رضوى اتصلت تانى قول لها انى هاقضى معاكم اليوم واحتمال انى ابات هنا النهارده
والد كريم: انا عارف انى ابنى راجل وعاقل وقادر يتصرف كويس يابنى مش انت اللى تسيب بيتك واى مشكله بين وبين مراتك تحلها انت وهى سوا مش تهرب انت ممكن تستنى معانا النهارده وبكرة وبعده لكن هروبك مش هيحل المشكله لانها هتفضل موجوده وفى وقت من الاوقات لازم تواجهها وتتصرف وتعالجها وبعدين رضوى- مراتك بنت حلال واى ست فى العالم اى كلمه طيبه تسعدها وترضيها
كريم: يا حاج الموضوع مش مشكله بينى وبين رضوى الموضوع اكبر من كده بكثير والد كريم: احكى لى يابنى فضفض و اوعدك ان اى كلمه هتقولها مش هتخرج خارج باب الحجرة اللى احنا قاعدين فيها
كريم: معلش ياحاج سيبنى دلوقت
الوالد : اللى يريحك يا بنى
وقام الوالد وهم باغلاق الباب خلفه ليترك كريم وحيدا كما يريد وقبل ان يخرج وجه اليه الحديث قائلا
الوالد: يا بنى انا عايزك تفتكر دايما انا ربنا كبير ورحمته وسعت كل شىء فاكر ايام امتحانات الثانويه العامه ايام ما كنت بتبقى خايف ساعتها اتفقنا انا وانت اننا نعلق فى اوضتك كلمه تشجعك كل يوم وقبل ماتنام تفكر فيه فاكر
ولا خلاص كبرت ونسيت
كريم: لا طبعا فاكر كويس جدا فاكر حتى الالوان اللى حضرتك كنت كاتبها بها وقام واخرج ورقه محاطه باطار يدوى الصنع واخذ يقرا ما بها على والده لاتقل
ان لدى هم كبير ولكن قل يا هم ان لدى رب كبير
امسك الوالد بالاطار من يده واخذ ينظر اليه وكانه يسترجع ذكريات تلك الايام وكانها ماثله امامه الان ثم قام ولصقها على الحائط المواجه لسريره حيث كان يجلس
قام كريم وقبل راسه والده
قائلا كريم: انا واثق يا بابا ان ربنا كبير بس المرة ده انا اللى غلطت انا اللى تماديت الوالد: وربنا عز وجل بيقول ( ورحمتى وسعت كل شىء ) انا هاسيبك مع نفسك شويه ولو احتجت اى حاجه تذكر ان ربنا عز وجل معاك سامعك وشايفك
قوم يا بنى صلى واشكى له وهو الوحيد اللى اعلم بك وهو الوحيد اللى قادر على تفريج كربك
كريم: عندك حق ده انا حتى لسه ما صليتش العشاء
وقام كريم وتوضا وصلى العشاء ثم صلى ركعتين واخذ يناجى ربه
يا رب ان همى كبير وانت اعلم به منى وعلمك فوق كل شىء انى ظلمت نفسى فاغفر لى وسامحنى ولا تؤاخذنى بسفاهتى

كده الحلقه الاولى خلصت وانتهت
طبعا انتم الان مضايقين وبتقولوا ايه ده ؟
هى فين القصه ؟
وايه البدايه ده ؟
ومين
وليه اصلا قاعد لوحد فى الضلمه واحنا مالنا نوجع دماغنا به
وايه اللى مزعل سيادته ؟
؟وايه اللى تمادى فيه ؟
علشان اريحكم من الحيرة مش هاكون بخيله معاكم وهاحكى لكم نبذة عن الحلقه الثانيه نبذة من الحلقه الثانيه
افاق من ذكرياته على صوت والدته تخبره بان رضوى على التليفون
كريم:طيب لوسمحتى قولى لها انى هاكلمها بعدين همت والدته بالخروج من الحجرة لتخبر رضوى بان كريم سيعاود الاتصال بها فيما بعد
ولكن اشارة من الاب اوقفت الام
والد كريم بلهجه حازمه لا تحمل الجدال
الوالد: قوم رد على التليفون يا كريم مهما كان اللى حصل بينكم
واخذ سماعه الهاتف من يد والدته حتى يمهل ابنه فتره ليستعد نفسيا لتلك المحادثه
الاب: ايه يا رضوى يا بنتى عامله ايه وحشتينا رضوى:الحمد لله ياعمى وحضرتك كمان الاب: ايه يا رضوى ما وحشكيش اكل الحاجه ولا ايه ؟
رضوى: لا طبعا ياعمى انا ما اقدرش استغنى عن اكل طانت
الاب:طب ما احنا فيها يالا تعالى لااحسن كريم مش راضى يتغدى من غيرك
رضوى: بجد يا عمى
الاب":طبعا وهو يقدر يستغنى عنك يالا تعالى ونتغدى كلنا معا
رضوى: معلش يا عمى مرة تانيه الاب : طب يا بنتى مش هاغصب عليكى معاكى كريم وناول كريم السماعه وخاطب والدته وهو يشير اليها اشاره ذات مغزى
قائلا: يا ام كريم قومى لااحسن انتى نسيتى الاكل على النار
ادركت والدةكريم ان الاب يريد ان يتيح لكريم مساحة من الحريه حتى يتحدث مع زوجته وتناول كريم السماعه من يد والده وامسك بها
تفتكروا هيتكلموا مع بعض ازاى ؟
هيقول ايه هو ورضوى؟
هل سيتشجاران معا ؟
هل سينهوا خلافهم ويعود لمنزله ؟
ده اذا كانوا من الاساس بينهما اى خلاف ؟
اقابلكم على خير الحلقه القادمه باذن الرحمن؟__________________