الحلقة السادسة
شعر كريم تدريجيا بالراحه النفسيه تجاه ارتباطه برضوى
وبعد ان تاكد كريم من قبول رضوى المبدئى له
عزم على ان يذهب لبيتها ليطلب يدها
وان يسر الله لهما وحدث اتفاق وقبول فسيشرع فى عمل خطوة ايجابيه
وبالفعل توكل على الله وحزم امره وذهب الى بيتها
للاتفاق على كافة الامور
وفى اليوم التالى ذهب لعمله
باسم : طمنى يامان عملوا معاك ايه
كريم : ولا حاجه كل خير
باسم : لا بجد احكى لاخوك
فضفض يابنى
ما انا عارف هو احنا اللى بيحصل لنا فى اليوم ده شويه
كريم : بص يا باسم انا من اول يوم قعدت فيه مع والد رضوى وبعد ماانتهت الترحيبات
استاذنت من والدى انى انا اللى اتكلم لانى الموضوع يخصنى
وكنت عازم انى اتفق على كل صغيرةوكبيرة حتى قبل قراءة الفاتحه حتى الفرح وتكلفه الزفه كل ده بس طبعا باسلوب لبق وظريف وانا اللى هاتفق لانى انا اللى هاجيب
وسالت والد رضوى على طلباته
باسم:واتكلمت فى التفاصل التافهة ده من اول يوم
كريم : طبعا هو انا رايح اهرج
باسم : بعد ما تمشى هيقولوا عليك قليل الذوق ومش مقدر قيمه بنتهم
كريم :لو مش مقدر قيمه بنتهم ما كنتش طلبت ايدها
وعامه انا ماسبتش الموضوع كده
انا من الاول وانا عارف ومستحضر فى ذهنى كويس جدا
ان اى حاجه هتحصل النهارده عمرها ما هتتنسى
وهتفضل ذكراها مدى الحياه عندى وعند رضوى وعند اهلها فكنت حريص جدا
وبصراحه ما اقدرتش اتكلم على الاثاث لانه شرعا المفروض ان شقه الزوجيه انا اللى اسسسها
انا قلت له ياعمى اللى حضرتك تطلبه انا ان شاء الله هانفذه ومافيش فرق بينا
طبعا اول الامر قال مافيش لنا اى طلبات
انت ابننا وهى بنتنا
وبعدين عينك ما تشوف اللى النور
عمى اللى من ثانيه ما كانش له طلبات
فجاءه اتكلم فى السفرة والنيش والمطبخ والاجهزة الكهربائيه
وانا قاعد اقول انا كان مالى ومال الهم ده
لو بس الواحد عنده طاقيه الاخفاء كنت لبستها واختفيت من قدامه
قلت لنفسى مش كان الواحد احسن له يحافظ على كرامته
ومادام انا مش قد الجواز
باخطب ليه
بس اوعدك ده هتكون اول واخر مرة
باسم : هو يابنى اللى يجنن ويعملها مرة ممكن يفكر فيها تانى
وتبادل الاثنان الضحكات
باسم : شفت ياعم كلهم واحد
فاكرين ان العريس علشان اتجنن فى عقله وخطب يبقى مليونير او ملياردير
ومافيش اهل بيتنازلوا يابنى
ان لما يبقى عندى بنات هاطلع اللى حصل لى كله على اللى هيخطبها منى
باسم:متهيالى لو قدروا يكتبوك وصل امانه ببنتهم هيعملوها
كريم : تصدق كنت مستنى حاجه زى كده وكنت متخيل عمى وهو بيطلع ايصالات امانه وفى الخانه المخصصه للمبلغ مكتوب رضوى وعمى بيطلب منى انى امضى
باسم: ما تقلقش ما فيه بديل طيعى لايصالات الامانه ما تنساش مؤخر لصداق
كريم : اه المهم طبعا انا ما اعترضتش على اى طلب طلبوه فى موضوع الفرش والاثاث
وطول ما انا قاعد اجدد النيه واقول يارب انا طالب الحلال والعفه يا رب يسر لى
السبيل لحلالى
باسم : تجدد النيه ليه انت هتصلى ولا هتصوم
كريم:على فكرة الزواج عباده زى عباده الصلاة والصيام لازم تكون مستحضر النيه كويس
باسم : وبعدين كمل
كريم :
بس ياسيدى لحد ما وصلنا لموضوع مؤخر الصداق وعمى قال مبلغ كده بصراحه كبير جدا
فقلت له :ياعمى كل حاجه حضرتك قلتها قبل كده انا موافق عليها بدون اعتراض لكن المؤخر ده دين فى رقبتى لرضوى ولازم اسدده لها فى اقرب وقت
لسه هاتكلم واشرح لعمى وجهه نظرى
بصيت لقيت اخت رضوى الصغيرة بتهمس لوالدها بصوت مسموع رغم حرصها على اخفاته
اخت رضوى: يابابا ابله رضوى عايزاك حالا
طبعا الاب احرج جدا من صوت البنت العالى واستمر فى الحديث
وبعد فتره استاذن وخرج
المهم انا قلت ايه اللى حصل
تكون رضوى رجعت فى كلامها
او حاجه فى كلامى ما عجبتهاش
المهم لقيت عمى رجع ومبتسم وبيقول لى خلاص يابنى حدد المبلغ اللى انت عايزاه
ففهمت ان رضوى اتكلمت فى الموضوع
باسم:مين قال لك بس
كريم : لان عمى كان مصمم جدا
وبعد ما كلم رضوى حسيت انه لان وتقبل كلامى
لان اكيد رضوى عارفه ان مؤخر الصداق ده دين من الزوج للزوجه ولازم يرد لها
باسم : يابنى ر بنا مايجيب طلاق
كريم : طلاق ايه بس احنا لسه بدانا
انت برضه فاهم غلط زى الناس المؤخر يدفع من الزوج للزوجه وهما معا مش يؤجل اذا لاقدر الله حصل طلاق
باسم : سمعت كده بس مش كل الاهالى سمعوا كده
متهيالى انا لو قلت للاهل رانيا كده
مش متوقع رد فعلهم هيكون ايه
كريم:(وما كان لمؤمن ولا مؤمنه اذا قضى الله ورسوله امرا ان يكون لهم الخيرة من امرهم )
واستاذن كريم من باسم للذهاب لتسليم المشروع الذى تم الانتهاء منه
وحينما عاد كان باسم قد تقمص دور اذاعة رويتر واذاع الخبر فى الشركه ان ما كانش كمان فى الشركات المجاورة وعلى الفضائيات
وفى طريقه عودته لمكتبه اخذ كريم فى تلقى التهانى من المحيطين به
كريم :ايه ده انتم لحقتم عرفتم
زملائه: انت ما كنتش عايزنا نعرف كمان مش كفايه ما عرفناش منك
كريم: ياجماعه ده انا لسه ما عملتش حاجه
زملائه :كل ده علشان ماتجبش لنا حاجه ساقعه
ياعم طب قول واحنا نفرح لك
بس احنا برضه مش هنتنازل عن الشربات
ولم ينجح كريم فى محاوله تهدئتهم الا عن طريق الغرامه الماليه على الصبح تخيلوا الشركه كلها تشرب شربات بكام؟؟؟
بس بجد الفرحه حلوة جدا
كريم : الله يسامحك ياباسم
لازم يعنى تعملها نشرة والشركه كلها تعرف
باسم :مش زمايلك ولازم يفرحوا لك
كريم : يفرحوا لى ولا يفرحوا فيا ويغرمونى
ده انا خلصت الفلوس اللى معايا
وكمان جبت الشربات على النوته يابنى
باسم : ياسيدى الف مبروك
باسم: ولا انت خطبت بقى والواحد مش هيعرف يكلمك
كريم: احنا نقدر برضه يا باشا
باسم : خرجتم فين انت ورضوى
كريم: ولا خرجنا ولا حاجه اتعشينا مع بعض عندهم ونزلت وطبعا ولا عرفت اكل ولا هى عرفت تاكل ولا حتى عرفنا نتكلم
باسم: طيب ما كنتم اتعشيتم بره مع بعض احسن
كريم:والدها رفض
وبينى وبينك انا نفسى فعلا اخرج و كل حاجه
بس متهياللى استنى لكتب الكتاب احسن علشان نبعد عن اى حرام فى الخروج
هى برضه لسه اجنبيه عنى ولا يجوز اننا نخرج الا بمحرم
باسم فى استنكار: محرم ... وتخرجوا ....
لا خليكم فى البيت احسن
كريم وقد انتبه الى تهكم باسم: ما انا باقول كده برضه
باسم : انت مكبر الموضوع جدا انت هتحافظ عليها كويس جدا
كريم :بس انا ورضوى اتفقنا ان حياتنا
من اول يوم ما فكرنا اننا نرتبط ببعض
هنبعد عن اى حرام علشان ربنا يبارك فيها ويرضى عنا وانا معاك انا واثق من نفسى ومن رضوى
بس سيدنا النبى صلى الله عليه وسلم وهو اصدق منى ومنك ماقالش كده
( ما اجتمع رجل وامراة الا وكان ثلاثهما الشيطان)
باسم : افهم من كده انك مش هتروح البيت علشان الحرام
هز كريم راسه فى ايجاب
باسم: طيب بس هتعرفها ازاى
انت عارف لما بتخرجوا مع بعض بتعرفها اكتر وبتكون واضحه معاك اكثر
كريم: ياسيدى من ترك شيئا لله أبدله الله خيرا منهباسم وهو يهز كتفه فى اعتراض
كريم : لا طبعا هاروح وهنتكلم عادى بس زى ماانت عارف بنكون قاعدين مع العائله كلها والدها والدتها اخواتها
ومتهيالى لو قدروا يبعتوا للجيران ينزلوا يقعدوا معانا هيعملوها
باسم : لا ياعم على كده حماى وحماتى ارحم كتير فى المواضيع ده
كريم : فى الفسح والخروج بس ماهم تاعبينك فى حاجات تانيه
باسم : ما تفكرنيش كل ما اقابل رانيا
ويعزمونى على الغداء يفضلوا يقولوا
سوزى بنت خالتها جابت شبكه بكام
ويارا قريبتها عملت فرحها فى الهيلتون
ومنة قضت اسبوع العسل فى مارينا
طبعا واخوك عامل نفسه عبيط ولا كانه فاهم
كريم :هههههه بس يافالح هم دلوقت بيلمحوا
اذا انت ماشرحتش الامر وسيبت الموضوع كده
هينتقولو ا من مرحله التلميحات قفزا
الى مرحله التصريحات
وساعاتها اشرب بقى يا حلو
باسم : عايزنى اقول لهم ايه
اقول ان الشبكه اللى انتم طالبينها كبيرة جدا
وكمان مكان الفرح ده غالى
واسترجع كريم موقف رضوى من الشبكه حينما ذهب لمنزلها فى اليوم المتقف عليه ليذهبان لانتقاء الشبكه للذهاب و فتحت له اختها الصغيرة الباب فطلب منها ان تخبر والدتها بحضوره
وسمع الحوار الدائر بين والدتها وبينها وبصوت مرتفع
رضوى : ياماما واحنا مالنا
والده رضوى : كل بنات خالاتك وبنات عماتك جات لهم شبكه بمبلغ وقدرة ليه انتى تكونى اقل منهم
رضوى : يا امى لو هى الشبكه اللى هتضمن لى انى اكون سعيده ما كنتش هتنازل وكمان هو مش معاه الاالمبلغ ده بس
يعنى نساعده ولا نصعبها عليه
والده رضوى: واقول ايه للاولاد خالتك لو سالونى الشبكه بكام هى ست الالاف ده تجيب شبكه من الاساس
رضوى :قولى لهم الصراحه وياستى المهم انى اجيب حاجه تعجبنى
والده رضوى: واطلعك اقل منهم
رضوى :ومين بس قال انى اقل منهم
و الده رضوى :الكل هيسال الشبكه بكام والمهر كام والشقه فين
ر ضوى : قولى لهم ان الله لا يحب من كان مختالا فخورا
كريم فى سره : ربنا يكملك بعقلك يارضوى
وسال اختها ان كانت قد اخبرت والدها بحضوره
فنفت
فطلب منها ان تخبره ولم يقص عليها ماسمعه
افاق كريم من شروده على صوت باسم
باسم: انت معايا؟
باسم :كنت باقول لك مش عارف
بس متهيالى مش هينفع معاهم الكلام ده
كريم: خلى كلامك منك لرانيا وبعدين لما تتفقوا تتكلم مع والدها ووالدتها المهم هى تكون مقتنعه من اول الامر
باسم : تفتكر اعمل ايه؟
كريم: انا هاقول لك تعمل ايه
تفتكروا باسم هيتصرف ازاى؟؟
و لا شكله هيجيى يكحلها يعميها!!!
ولا هيتصرف كويس المرة ده طبقا لتعليمات كريم!!!!!!!!!!!!!!!!!!!!!!!!!!!!
المشاركات
