الحلقة السابعة
ذهب باسم لمنزل رانيا كى يخرجان معا فاليوم سيعرض الفيلم الذى اتفقا على مشاهدته سويا
واستقبلته والدتها وحدث مايلى:-
والدة رانيا :ايه اخبارك ياباسم عامل ايه ؟
وايه اخبارك ؟
باسم :الحمد لله يا طانت
والدة رانيا : طبعا انت مش محتاج عزومة يوم الخميس على فرح دارين وأسعد ولاد خالة رانيا
هز باسم راسه فى محاولة منه للحد من استرسالها فى الحوار
والدة رانيا :ده هيبقى فى الشيراتون
باسم : اكيد يا طانت
وشعر باسم بالحوار او الفخ الذى تحاول حماته ان تجذبه للمشاركه فيه
باسم :هى يا طانت رانيا لسه قدامها وقت كتير
والدة رانيا : لا هى لسه راجعه من الكوافير بس الفستان كان مش مظبوط فاضطرت تغيره
تخيل الاتيليه واخد فيه مبلغ كويس جدا ده عامل لها السواريه ب 2850
ان شاء الله نتفق معاها يعمل لكم فستان الفرح
باسم فى سره يعمل لكم ليه! هو انا هالبسه؟
وكمان 2850 علشان فستان سواريه دول كان يجيبوا لنا التكييف او الغساله الله يسامحك يارانيا
باسم :فعلا مبلغ صغير
والدة رانيا : مرة كده خلى رانيا تاخدك ومروا على الاتيليه علشان تختاروا تصميم الفستان
باسم :هو فيه ايجار فى الاتيليه
والدة رانيا بانزعاج : ايجار ايه يا باسم انت عايز رانيا بنتى تلبس فستان فيه اى حد لبسه قبل كده
باسم : يا طانت اصله الفستان ده مش زى السواريه ممكن يتلبس تانى ده هى مرة واحدة
ما فيش داعى اننا ندفع مبلغ كبير زى ده على الارض
واالدة رانيا: فلوس فستان فرح بنتى الوحيدة تبقى فلوس على الارض
واحتدمت المناقشه
وطبعا ارعدت السماء وتكهرب الجو واصبحت السماء ملبدة بالغيوم
سعى باسم جاهدا لتلطيف الجو مع حماته ورانيا
وعزم على ان يجعل الامر بينه وبين رانيا فقط
كما نصحه كريم
ياترى ايه اللى حصل؟؟؟؟؟؟؟؟؟؟؟
؟؟؟
؟؟؟؟؟؟؟؟
انتهز كريم فرصه خروج رانيا من المكتب وحاول الاطمئنان على باسم
كريم : شكلك ما نمتش وطول الليل مقضينيها رغى فى التليفون
وشكله اليوم عدى من غير خناق
باسم فى تهكم : من غير خناق ازاى ده حتى رانيا تزعل
كريم : ليه بس ايه اللى حصل
باسم : عملت زى ما انت قلت لى بالظبط
واحنا فى الشغل قلت لها استأذنى ماما علشان احنا خارجين نتغدا بره
فرحت جدا و كانها ما صدقت يابنى واتصلت بوالدتها وخرجنا
واحنا خارجين اشتريت لها ورد
وكلمتها كلام حلو زى ما قلت لى
كريم : ها وبعدين
باسم : ايه رايك كده ماشى حلو؟؟
كريم : ماشى حلو ده انت ممتاز
ده انا نفسى ابتديت احبك
باسم:ههههههه
كريم:هههههه انجز بقى وبعدين
طبعا من باب الذوق وده غلطه عمرها ما هتتكرر قلت لها اقترحى المكان اللى انتى عايزاه
كريم :واقترحت !
باسم: وياريتها ما اقترحت
دخلنا المطعم واختارت مطعم رهيب فى كل حاجه فى اكله وحسابه
كريم: هههههه كنت قلت لها طيب
باسم : اقول مين ياعم ده ما صدقت
قلت بقى كده الفرصة كويسه جدا انى اكلمها فى اللى انا عايزة
لسه بافتح الكلام
ولسه باقول لها : بصى يا رانيا انا عايز اكلمك فى موضوع الفرح والمكان اللى انتى مختاراه غالى قوى
رانيا : اه قلت لى بقى
انت عازمنى علشان كده
وانا اقول اول مرة اسمع الكلام الحلو ده والمطعم والعزومه
انا برضه كنت مستغربه واقول ياترى فيه ايه
باسم : افهمى يا رانيا بصراحه والدتك طالعه فيها جدا وكل شويه تقول لى
ده بنت عمتها عملت فرحها فين
وابن خالتك عمل فرحه فين
وصاحبتك مش عارف فين وهى اساسا ما اتخطبتش
رانيا : بقى كده احنا بقى طالعين فيها طيب شكرا
باسم: مش كده يارانيا افهمى مامتك هى اللى ....
رانيا: من دلوقت مامتك
باسم : بصراحة احيانا مامتك بتزودها شوية
رانيا:انت تقصد ان مامى كذابة
طيب اتفضل حاسب علشان نمشى الحمد لله اننا على البر
باسم : كملى اكلك على الاقل
رانيا :انت ازاى تقول كده على مامى
باسم:على الاقل نقعد نكمل اكلنا
رانيا :اكلنا ما انت سديت نفسى
باسم: ده مش هيرحمنى من دفع الحساب علشان خاطرى نكمل اكلنا ونتخناق براحتنا بعدين
راحت يابنى خرجت من المطعم وسابتنى وانا دفعت حساب الاكل الى ما اكلنهوش ومشيت
باسم : شفتى ياسيدى اخرة نصايحك ايه رايك بقى فى اللى حصل
كريم : عايز راى ؟؟
باسم: يعنى باحكى لك ليه فرحان بالبهدله
اللى انا فيها طبعا عايز رايك
مش نصايحك ده االلى بهدلت الدنيا
قلت لك 100مرة رضوى مش زى رانيا قلت لى كل البنات واحد
كريم : عاوز رايى بصراحه
باسم :اه
كريم : رايى انك مش هتتجوز ابدا
باسم: انت قلت لى ان لغه العيون لغه سهله جدا وممتازة
كريم: بجانب الحوار والتفاهم
باسم: طبعا
باسم : عملت زى ما انت قلت
كريم : والنتيجه
باسم: لاشىء
كريم : مش ممكن
انت كنت بتعمل ايه ؟؟؟؟؟؟
باسم مازحا وقد قلب جفنيه : كنت باعمل كده
كريم : تلاقى رانيا قالت هو انا هاتجوز واحد من السيرك
يبقى اكيد ماتت يابنى لغه العيون ده ترجمه للاحسا سيس وانت بصراحه وما تزعلش منى عديم الاحساس
ثم انصرف من امامه
وبعد عدة ايام
باسم : عامل ايه انت ورضوى ؟
كريم : الحمد لله رضوى بنت كويسه
كريم : وانت اخبارك ايه مع رانيا ؟
باسم : مش عارف الرغم من ان رانيا فيها كل مواصفات الزوجه المثاليه بس برضه مش عارفين نتفق
كريم : هى ايه اللى فيه كل مواصفات الزوجه المثاليه هى مش جهاز تكييف او موبايل انا عايز اعرف هى ايه مواصفات الزوجه المثاليه عندك
باسم: جميله- مؤدبه- متعلمه – مثقفه- شيك – انيقه واكيد طبعا متدينه
كريم : الحمد لله انك قلت متدينه كنت شاكك انك تقولها
باسم : لا انا اكيد عايزاها متدينه طبعا
كريم : وهى رانيا بدون حجاب وماكياج كده متدينه
باسم : لا انا هالبسها الحجاب طبعا
كريم : الخطوة ده مش سهله زى ما انت متخيل
باسم : لا انا هاقنعها
كريم : باسلوبك ده ابقى قابلنى يابنى من شب على شىء شاب عليه
باسم: هتشوف انى هاقنعها
كريم : الحكايه مش عافيه انت لو طلبت منها الحجاب هتفتكر انك بتخنقها ومن اولها عايز تتحكم فيها
باسم :لا انا ها ستنى لما نتجوز واقولها براحتى
كريم : صحيح اصحاب العقول فى راحه طيب ناويين تكتبوا امتى
باسم: لسه بدرى على ايه الاستعجال
كريم : ماشاء الله ايه التأنى ده ؟؟عامه انا بصراحه مستعجل انى اكتب الكتاب
باسم : ليه وبسرعه كده خدوا راحتكم
واتعرفوا على بعض
كريم :ماهو علشان نتعرف على بعض وبصراحه انا مش عارف اتكلم خايف اقول لها حاجه او كلمه حلوة نتحاسب عليها احنا الاثنان وناخذ ذنوب وانا وهى مش عايزين اى حرام
من تعجل شىء قبل اوانه عوقب بحرمانه
وانا وهى نفسنا تكون حياتنا جميله وربنا ما ينزعش منها البركه ابدا
باسم : طول عمرك تحب تكبر المواضيع خلاص كلم والدها وحدد معاه ميعاد
كريم : قبل ما اكلم والدها لازم اناقشها هى واشوف هى نفسيا مستعده للخطوة د ه ولا لسه شويه
باسم : يا بنى هى لا هتحل ولا هتربط الامر فى ايد والدها
كريم :انا معاك بس انا هاتجوزها هى مش والدها ولازم تكون هى مقتنعه بالخطوة ده قبل والدها لانها حياتنا احنا مش والدها .ووالدتها
وااثناء استكمال الحوار عادت رانيا الى المكتب فكف كلا منهما عن الكلام
وفى وقت الخروج من العمل لم تنتظر رانيا باسم كما اعتادا وغادرت المكتب بدونه
كريم:ايه يابنى مش هتروح مع رانيا
باسم: لا عامله فيها زعلانه
كريم : يعنى هاسعد بصحبتك اليوم
باسم: احسن يااخى الواحد ياخد كام يوم راحه
واستانفا الحوار السابق
باسم :المهم فاتحت رضوى فى موضوع كتب الكتاب ده ولا لسه
كريم: لا لسه
باسم :طيب مستنى ايه ما تكلمها
كريم : انا استخرت وناوى افاتحها النهارده باذن الرحمن المهم انت خلى بالك لو مش عارفين تتفقوا فكر كويس قبل ما تخطو اى خطوة جديدة
باسم :سيبيها على الله
كريم : ونعمة بالله بس ماتنساش اعقلها وتوكل
وبالفعل ذهب كريم لبيت رضوى وعزم بعد ان استخار على مفاتحتها بالاسراع فى العقد وبالفعل بدات محاوله اقناع رضوى بالعقد حتى يتقربا اكثر من بعضهما ولكن لاحظ منها تحاشيها للموضوع ومحاولتها تجنب الحديث فيه
فوجه كريم جهوده وصمم ان يبدد مخاوفها تجاه هذه الخطوة
ومع استمرار المحاولات
كريم: فيه ايه يارضوى
انتى كل ما اكلمك تتعمدى تغيرى الموضوع ليه؟
رضوى: احممم احممم اقصد يعنى
اقصد
كريم :من غير كلا كسات ادخلى فى الموضوع على طوول
رضوى :يعنى اقصد
كريم وقد اشار الى رقبته بما يوحى انه اتخنق ولن يحتمل اكثر من هذا
رضوى :ايه يا كريم واضح ان عندك اللوز شفاك الله وعافاك
طيب هاقوم اجيب لك دواء حالا
كريم وقد تحول صوته من صوت منفعل الى صوت حنون ودافىء :مش عايز ابدا اشوفك بتهربى من مواجهه اى شىء لو فعلا الخطوة ده مش مريحة بالنسبه لك فى الوقت الحالى ممكن ناجلها
بس احنا لازم نواجهه مخاوفنا مش نرفض نتكلم فيها
وياستى احنا استخرنا قبل كل شىء يعنى سألنا علام الغيوب
رضوى : كريم انا مش هاقدر انكر انك الحمد لله انسان كويس فيك كل حاجه اتمناها بس احنا لسه بدرى على الخطوة ده احنا مافيش كام شهر
وكمان بنات كتير اعرفهم بعد كتب الكتاب
ما كملوش مع بعض وانت عارف اللقب الرخم فى الحاله ده وكانوا مخطوبين سنين مش شهور بس زينا
كريم : سؤال من اكتر واحد عارفك فى الدنيا وعارف كل حاجه بتحبيها وعارف ايجابياتك وعيوبك
رضوى : ماما وبابا
كريم : غلط الوحيد اللى عارفك كويس جدا الله عز وجل واحنا سالناه يارب ان كنا مناسبين لبعض يسرنا لنا السبيبل لبعض وان لم نكن فارزقنا خيرا من بعضنا البعض
عندك شك ان ربنا استجاب لدعائنا
رضوى : حاشا لله
(فقلت ادعونى استجب لكم)
كريم : يبقى ما اعتقدش ان فى داعى لاستمرار القلق ولا انت لك راى تانى !!!
وبدأت المناقشات الفعليه لهذه الخطوة
ارساء حجر الاساس للبيت المسلم
رضوى:كتب الكتاب ان شاء الر حمن فى المسجد بس عايزة اطلب منك طلب
كريم : طلب واحد بس؟
رضوى : ده مؤقتا بس لحد ما نكتب الكتاب بعد كده هفتح فى الطلبات على الرابع على العاشر انت وحظك
كريم:لا ان كان كده اعتبرينا لسه ما كتبناش الكتاب
ولا بلاش منه احسن
رضوى : االلى يريحك
كريم: خير ياستى عايزة ايه؟
رضوى: عايزاك ان شاء الله تسجل كتب الكتاب والخطبه والدعاءعلى شريط علشان كل فترة نجدد انا وانت ذكرى الايام الجميله ده
كريم: باذن الله عمرها ما هتكون ذكرى ابدا هتكون حاضر ومستقبل وكل حاجه
رضوى: بجد اتمنى
كريم: انتى لسه برضه قلقانه
رضوى: مش هاقدر انكر انا فعلا قلقانه بس ده مش علشانك ده علشان الخطوة نفسها مش سهلة
كريم: كل حاجه فى اولها مش سهله بس النيه الى احنا ناوينها باذن الله هتكون سبب فى السعاده
رضوى : انت عارف اكتر حاجه مطمنانى اايه
كريم: انك هتتجوزى اجمل واشيك راجل فى العالم
رضوى: لا فعلا انا بتكلم جد
كريم: الله يسامحك ليه هو انا باهرج
رضوى: لا بجد انا مطمنة علشان انا وانت اللى بيجمع بينا هو الطاعه يعنى النيه اللى احنا بدانا بها حياتنا بجد ده مساعدنى جدا انى اطمئن تجاه الخطوة ده
كريم : مش عارفه اقول لك انتى ايه بالنسبه لى رضوى انت فى دمى
رضوى بخجل ممزوج بالشقاوة: فى الحاله ده اسمح لى اتاكد بنفسى
ياترى رضوى هتفضل مطمئنه كده على طول ولا.......................
وياترى كريم هيفضل كده على طول
تأتى الرياح بما لا تشتهى السفن
هنشوف
المشاركات
